Friday, August 30, 2013

ചില ആഗ്രഹങ്ങള്‍

ഇന്ന് ഞാന്‍ പറയട്ടേ -
ചില ആഗ്രഹങ്ങള്,മകനേ
നിന്നോട് മാത്രം.
വെറുമൊരു ദേഹമായ് മാറുമ്പോള്‍
കത്തിച്ചു കളയരുത് എന്നെ-
ഒരു പുകക്കാറ്റില്‍ അലിഞ്ഞു
ഞാന്‍ നിങ്ങളെ വിട്ടു പോയേക്കാം !

ചന്ദന മുട്ടികളടുക്കി
ദഹിപ്പിച്ച്, ശിഷ്ടമാം
എല്ലുകള്‍ പെറുക്കിയെടുത്ത്
 പേര് കേട്ട പാപനാശിനിയില്‍ ,
കാശിയില്‍ ,രാമേശ്വരത്ത് ,
ഗംഗയില്‍ ഒഴുക്കരുതെന്നെ

അവിടേക്ക് ആ കറന്റിലേക്ക്
എന്നെ കൊണ്ട് പോകരുത്
പേടിയാണെനിക്കാ വൈദ്യുത
കണങ്ങളെ , കരിച്ചിടും
അവയെന്റെ  ഒളിപ്പിച്ച
സ്വപ്നങ്ങളെ പോലും

എന്നെയാ തെക്കേയറ്റത്ത്
മുത്തശി മാവിന്‍റെ താഴെ
ഒരു പിടി മണ്ണിട്ട് പൂവിട്ട്
അടക്കിയാല്‍ മതി -
അവിടെ നിന്നും എന്‍റെ
ഓര്‍മ്മകളില്‍ നിന്ന്
ഓണം വരുമ്പോളോരു
തുമ്പയായി , കുളിച്ചു
തുടിക്കാന്‍  ദശപുഷ്പമായി
കര്‍ക്കിടത്തിലെ കറുകയായി
ഞാന്‍ ഉണര്‍ന്നു വന്നോളാം .

എന്നെ എന്‍റെ തെക്കേ
തൊടിയിലെ ഓടി  നടന്ന
മണ്ണ് പുതപ്പിച്ചു ,
ഞാന്‍ മണത്ത മാമ്പൂ
ഞാന്‍ നട്ട മുല്ല
ഞാന്‍ കൊതിച്ച പുളിഞ്ചി
ഇവയെല്ലാം കൂട്ടായി
ഇവിടെ ഉറക്കിയാല്‍ മതി.






 

22 comments:

  1. "ഒരിക്കല്‍ ജഡ്ജി ഈ.കെ.അയ്യാക്കുട്ടി അവര്‍കള്‍ ശ്രീനാരായണഗുരുസ്വാമികളോട് ഇങ്ങനെ ഉണര്‍ത്തിച്ചു.
    നമ്മുടെ ശവം ദഹിപ്പിക്കുന്നതോ കബറടക്കം ചെയ്യുന്നതോ മണ്ണില്‍ കുഴിച്ചു മൂടുന്നതോ ഏതായിരിക്കും നല്ലതെന്ന് ഒന്നറിയാന്‍ ആഗ്രഹമുണ്ട്.
    ഇതുകേട്ട്‌ സ്വാമികള്‍ ഇങ്ങനെ കല്പിച്ചു.ശവങ്ങള്‍ ചക്കിലിട്ടാട്ടി വളമായിട്ടതു കൃഷിക്ക് ഉപയോഗിക്കുന്നതല്ലേ നല്ലത്?
    ജഡ്ജി:--അയ്യോ!അതു സങ്കടമാണ്.
    സ്വാമികള്‍:--എന്താ നോവുമോ? എന്നു ചോദിച്ചു
    സ്വാമികള്‍ ചിരിച്ചു."
    നല്ല ചിന്തയായി..
    ആശംസകള്‍

    ReplyDelete
    Replies
    1. :) നന്ദി സര്‍, സന്തോഷം!

      Delete
  2. ചില ആഗ്രഹങ്ങള്‍
    തീര്‍ച്ചയായും സാധിച്ചുകൊടുക്കേണ്ടത്

    മനോഹരമായിട്ടെഴുതിയിരിക്കുന്നു!!

    ReplyDelete
    Replies
    1. അതെ അജിത്തെട്ടാ ചില ആഗ്രഹങ്ങള്‍! വെറുതെയെങ്കിലും. നന്ദി :)

      Delete
  3. ഞാന്‍ മണത്ത മാമ്പൂ
    ഞാന്‍ നട്ട മുല്ല
    ഞാന്‍ കൊതിച്ച പുളിഞ്ചി
    ഇവയെല്ലാം കൂട്ടായി
    ഇവിടെ ഉറക്കിയാല്‍ മതി.

    നന്നായി എഴുതി....,
    ആശംസകള്‍..... ...

    ReplyDelete
    Replies
    1. :) നന്ദി കുറ്റിലഞ്ഞിക്കാരാ .....

      Delete
  4. അയൂസപ്പെടുത്തുന്ന വിധം മനോഹരം.
    "പേടിയാണെനിക്കാ വൈദ്യുത
    കണങ്ങളെ , കരിച്ചിടും
    അവയെന്റെ ഒളിപ്പിച്ച
    സ്വപ്നങ്ങളെ പോലും"
    ഹൃദയത്തെ സ്പര്ശിക്കുന്ന വരികള്.

    മരണം, മരണാനന്തരം- ഇത്തരം കാര്യങ്ങള് പരാമര്ശിക്കുന്ന കവിതകള് ഞാന് സാധാരണ വായിക്കാറില്ല. ഇത് രണ്ടും എനിക്ക് ഇഷ്ടമില്ലാത്തതുകൊണ്ട് തന്നെ. പക്ഷെ ആര്ഷയുടെ കവിത മരണാനന്തര ചിന്തകള് ആണെങ്കിലും ജീവിതത്തൻറെ സൗരഭ്യവും സൗന്ദര്യവും വാരിവിതറുന്നു. അഭിനന്ദനങ്ങള്.

    ReplyDelete
    Replies
    1. :) എന്താ പറയുക... സന്തോഷം! നന്ദി

      Delete
  5. ഈ ഒരു ചിന്തയില്‍,അവതരണത്തില്‍ ഞാന്‍ തികച്ചും സന്തോഷവാനാണ്.കൂടുതല്‍ തീക്ഷ്ണമായ വരികളുമായി വീണ്ടും സജീവമാവുക.ആത്മാവേ യാത്ര ആവുന്നോള്ളൂ,അതും മറ്റൊരു ദേഹത്തിനെ തേടി.

    ReplyDelete
  6. മനോഹരമായിട്ടുണ്ട് കേട്ടോ.. അഭിനന്ദനങ്ങള്‍.

    ReplyDelete
  7. Kollaam Arsha....
    Pakshe aa Mavu vetti.. mulla parichu kalanju.. aa dushta pishaachukkal avide oru valiya Mall panithu...
    ippo enthaa cheyka?

    ReplyDelete
    Replies
    1. :( അത് തന്നെയാണ് ഈ വരികള്‍ എഴുതിപ്പിച്ച ചിന്തയും.... നന്ദി

      Delete
  8. അങ്ങിനെ തൊടിയിലെ വളമെങ്കിലുമാവട്ടേ...അല്ലേ

    ReplyDelete
    Replies
    1. അതെ... അങ്ങനെ വളമായി മാറട്ടെ .. ഒരു കളയായ് എങ്കിലും പുനര്‍ജ്ജനിക്കട്ടേ.. :) നന്ദി

      Delete
  9. നന്നായി എഴുതി . പക്ഷെ എനിക്കെന്തോ സങ്കടം പോലെ

    ReplyDelete
    Replies
    1. ചില ആഗ്രഹങ്ങള്‍ മറക്കും മുന്പ് പറഞ്ഞു വെക്കുന്നു അത്ര തന്നെ :) നന്ദി

      Delete
  10. ഈ കവിത ശരിക്കും തകർത്ത് ..സൂപ്പർ ...എനിക്ക് വ്യക്തിപരമായി ഈ ഒരു ലെവൽ കവിതകളാണ് ഇഷ്ടം ..ഇനിയും ഇത് പോലത്തെ എഴുതൂ ..

    ReplyDelete
  11. ചേച്ചി എന്നെ കരയിപ്പിക്കും,,,,പേടിപ്പിക്കും,,,,

    ReplyDelete

അഭിപ്രായം രേഖപ്പെടുത്താം..ഇനിയും നന്നാക്കാന്‍.. വായിക്കാനും വായിക്കപ്പെടാനും വേണ്ടി :)