അവസാന വാക്ക്

അവളുടെ പ്രതിരൂപം പോലെ
കണ്ണാടിയില്‍ ഇന്നൊരു നരച്ച പൊട്ട്
ഓര്‍മ്മയാണത്, തുടുത്തിരുന്ന ചില
കുങ്കുമ സന്ധ്യകളുടെ ഓര്‍മ്മ!

കിടക്കയില്‍ നിന്നെവിടുന്നോ  കിട്ടി
നര പൊട്ടിയടര്‍ന്നൊരു മുടിയിഴ
ഇളകിചിരിച്ച  പകല്‍ കാഴ്ചകളുടെ
ഇളിച്ചു കാട്ടുന്ന  വര്‍ണ്ണമാണത്!

കാലില്‍ കുടുങ്ങിയൊരു അഴിഞ്ഞു
-ലഞ്ഞ മഞ്ഞ സാരി തന്നിഴ നൂല്‍
കുടഞ്ഞെറിഞ്ഞു പുറത്തേക്കു പോകവേ
തെറിച്ചു  ചുണ്ടില്‍ നിന്നും "മൂദേവി"!!!