#100DaysOfSongs - പാട്ടോർമ്മകളുടെ നൂറുദിനരാത്രങ്ങൾ!
വര്‍ഷം 2015
വിസ്കോണ്‍സിനിലെ മലയാളിക്കൂട്ടത്തില്‍ നിന്ന് കിട്ടിയ കുടുംബമാണ് രജനിച്ചേച്ചിയും ശ്രീച്ചേട്ടനും. ഇവിടെ വന്ന ആദ്യ മാസങ്ങളിലൊരിക്കല്‍ വിസ്കോണ്‍സിന്‍റെ സ്വന്തം അമ്പലത്തില്‍ വെച്ചാണ്‌ രജനിച്ചേച്ചിയെ പരിചയപ്പെട്ടത് - ഞായറാഴ്ചകളില്‍ അമ്പലത്തിലെ കഫേയില്‍ നിന്നും ഭക്ഷണം വാങ്ങാന്‍ പറ്റുമെന്ന പ്രലോഭനത്തില്‍ അവിടെ എത്തിപ്പെട്ടതായിരുന്നു ഞങ്ങള്‍. ഇവിടെ അധികം മലയാളികളെ അറിയില്ലായിരുന്ന ഞങ്ങള്‍ക്ക് ചേച്ചിയെ പരിചയപ്പെട്ടപ്പോള്‍ തോന്നിയ ആശ്വാസം പറഞ്ഞറിയിക്കാന്‍ കഴിയില്ല. ആദ്യകൂടിക്കാഴ്ച്ചയില്‍ തന്നെ ഒരു മകള്‍ നാട്ടിലാണ്, ഭരത് നായകനായ ഒരു സിനിമയില്‍ അഭിനയിച്ചു എന്നൊക്കെ അറിഞ്ഞപ്പോള്‍ "ശ്യോ സിനിമാനടിയുടെ അമ്മയുടെ ഒരു ജാടയുമില്ലാല്ലേ" എന്ന് പരസ്പരം പറഞ്ഞതോര്‍ക്കുന്നു.
ഈ നടി - ചാന്ദ്നി- പിന്നീട് മലയാളം സിനിമകളിലും അഭിനയിച്ചു. അങ്ങനെയുള്ളൊരു മലയാളം സിനിമ ഇറങ്ങും മുന്‍പ് രജനിച്ചേച്ചി പറഞ്ഞിട്ട് നാലുവയസുകാരന്‍ താച്ചുണ്ണി പഠിച്ചുപാടിയ 4-5 വരികളാണിന്നത്തെ ഓര്‍മ. KL 10 പത്ത് എന്ന സിനിമയുടെ ട്രയിലെര്‍ല്‍ വന്ന ഈ താരാട്ട് അതിമനോഹരമാണ്. ഒരിക്കല്‍ കേട്ടാല്‍ തന്നെ മൂളാന്‍ കൊതിപ്പിക്കുന്ന എന്തോ ഒന്ന് ഈ താളത്തിലുണ്ട്. അതാകണം ഈ നാല് വയസുകാരനെയും കൊതിപ്പിച്ചത്... ഈ പാട്ടിന്‍റെ താളം ഇഷ്ടായത്... "വാപ്പച്ചീനേം , ഇമ്മച്ചീനേം " ഇഷ്ടായത്. ഇപ്പോഴും ഞങ്ങള്‍ ഈ "താച്ചുച്ചെക്കനെ" ഈ പാട്ടുപാടി കൊഞ്ചിക്കാറുണ്ട്. അന്നിത് പാടിക്കുമ്പോള്‍ ഓര്‍ത്തിരുന്നില്ല ഇത് വീട്ടിലെ ഒരു സ്ഥിരം പറച്ചില്‍ പാട്ടാകും എന്ന്!
" വാപ്പച്ചീൻ്റെ ചുള്ളൻ ചെക്കനേ ..
ഇമ്മച്ചീൻ്റെ സ്റ്റൈലൻ കുട്ടനേ "
------------------------------------------------------------------------
#HundredDaysOfSongs - നൂറു ദിവസത്തേക്ക് വളരെയേറെ പ്രിയപ്പെട്ട നൂറു പാട്ടുകൾ - അല്ലെങ്കിൽ നൂറുപേരെ ഓർമയിലേക്ക് കൊണ്ടുവരുന്ന പാട്ടുകൾ ചെറുകുറിപ്പുകളോടെ നിങ്ങളോട് പങ്കുവെയ്ക്കുകയാണ്.
ഈ പാട്ടു കേട്ടിട്ടില്ല 😇
ReplyDeleteആഹാ ...
ReplyDeleteകേട്ടിട്ടേയില്ല. ദേ താത്വിക് പാടുന്നു.
ReplyDeleteവാപ്പച്ചീൻ്റെ ചുള്ളൻ ചെക്കനേ ..
ReplyDeleteഇമ്മച്ചീൻ്റെ സ്റ്റൈലൻ കുട്ടനേ "