#100DaysOfSongs - പാട്ടോർമ്മകളുടെ നൂറുദിനരാത്രങ്ങൾ!
എന്തായാലും ഈ പെണ്ണുങ്ങൾ കേമികളല്ലേ.. അവളുമാർ ഇതല്ല ഇതിലപ്പുറം ചാടിക്കടന്ന എൻ്റെ കേ കേ ജോസപ്പുമാർ! പ്രളയത്തിലെന്റെയൊപ്പം രാവുറങ്ങാതിരുന്നവർ, സംസാരിക്കാൻ വയ്യാതെ തളർന്ന ഫോൺകാളുകളുടെ ഒടുവിൽ പാതിരാത്രികളിൽ രണ്ടൂസം കഴിഞ്ഞു കുളിച്ചിട്ടെന്ന് ഉറക്കം മതിയാകാത്ത കണ്ണുകളുടെ ഫോട്ടോ അയച്ചവർ! അവരെക്കാണിക്കാൻ ഞാനെന്തിന് മടിക്കണം
അങ്ങനെയാണ് ഞാനീ ചിത്രം അയച്ചത്. എൻ്റെ പെണ്ണുങ്ങളേ ഞാൻ പറയുവോളം നിങ്ങൾ അറിഞ്ഞില്ലാലോ എൻ്റെ 18 കൊല്ലത്തോളം നീണ്ട ഒരു പിൻവിളിയെ ആണന്ന് നിങ്ങൾ ഉടച്ചുരുക്കിക്കളഞ്ഞത് എന്ന്! ഈ 'വിധവ'കഥ അറിയാതെ അതിലോരോരുത്തരും പറഞ്ഞത് - 'എന്തൊരു രസാ' ന്നാണ് ... സ്നേഹം കൊണ്ടാകാം, ശരിക്കും രസമായിട്ടാകാം - പക്ഷേ, അന്ന് നിങ്ങൾ എന്നോട് പറഞ്ഞതിന് ഞാനെന്ന പെണ്ണ് നിങ്ങളോട് ഒരു പെൺജന്മം കടപ്പെട്ടിരിക്കുന്നു അതിനുശേഷമാണ് ഞാനാ കഥ നിങ്ങളോട് പറഞ്ഞത്. മടിച്ചുമടിച്ചുമാത്രം പൊട്ടൊഴിവാക്കിയിരുന്നത് എന്തുകൊണ്ടാണെന്ന്.
പത്തു പതിനെട്ടു വർഷം ഉള്ളിലേറ്റി നടന്നൊരു ഭൂതത്താനെ ഇറക്കിവിട്ട വർഷമായിരുന്നു കഴിഞ്ഞ കൊല്ലം. ഒരാവശ്യവുമില്ലാതെ കൂടെക്കൂട്ടിയിരുന്ന ഒരു ടാബൂ
സ്‌കൂൾ കാലങ്ങളിലെപ്പോഴോ കൂടെക്കൂട്ടിയതാണ് ഒട്ടിക്കുന്ന ഒരു കുഞ്ഞുകറുത്ത പൊട്ട് - ഏറ്റവും ചെറുതല്ല, അതിൻ്റെ വലിയ സൈസ് എപ്പോഴെങ്കിലും സാരിയുടുക്കുമ്പോൾ മാത്രമാണ് തൊടാറ്. സ്‌കൂൾ സമയത്ത് 'ശാന്തി' സീരിയലിലെ മന്ദിരാബേദിയിൽ പ്രചോദിതയായി കുറേയേറേ അമ്പും കുത്തും കോമയുമൊക്കെ പരീക്ഷിച്ചെങ്കിലും അവസാനം ഉറച്ചുനിന്നത് ആ കുഞ്ഞുകറുത്ത പൊട്ടിലായിരുന്നു. കണ്ണെഴുത്തും പൊട്ടിടീലും ചന്ദനക്കുറി വരയ്ക്കലും മാത്രം 'മേക്കപ്പ്' ടിപ്സ് ആയിരുന്ന കാലങ്ങളിൽ അത്രയേറെ വളഞ്ഞതോ ആകൃതിയുള്ളതോ ഒന്നുമല്ലാത്ത പുരികങ്ങൾക്ക് നടുവിൽ ആ കുഞ്ഞനെ കുത്തുന്നതോടെ സുന്ദരിയായ ഒരു ഫീൽ വരുമായിരുന്നു. മുകളിലൊരു ചന്ദനക്കുറി സ്ഥിരമായിരുന്നു - ചിലപ്പോൾ കുറിയുടെ മുകളിലൊരു കുങ്കുമക്കുറിയും കൂടി ചാർത്തി അതിസുന്ദരിയാകുന്ന ദിവസങ്ങളുമുണ്ട് 
അങ്ങനെയങ്ങനെ ആ പൊട്ടെൻ്റെ ജീവിതത്തിൻ്റെ ഭാഗമായി പറ്റിച്ചേർന്നിരിക്കുന്ന കാലം. പൊട്ടില്ലാതെ എങ്ങോടും പോകാറില്ല, മുഖം പൊട്ടില്ലാതെയും കണ്ണെഴുതാതെയും അത്രയ്ക്കങ്ങട് ഇഷ്ടവുമല്ല.
അങ്ങനെയങ്ങനെ ആ പൊട്ടെൻ്റെ ജീവിതത്തിൻ്റെ ഭാഗമായി പറ്റിച്ചേർന്നിരിക്കുന്ന കാലം. പൊട്ടില്ലാതെ എങ്ങോടും പോകാറില്ല, മുഖം പൊട്ടില്ലാതെയും കണ്ണെഴുതാതെയും അത്രയ്ക്കങ്ങട് ഇഷ്ടവുമല്ല.
അങ്ങനെയിരിക്കേ ഞാൻ ഒത്തിരിയിഷ്ടപ്പെട്ടിരുന്ന പൊട്ടുകുത്തലിന് വേറൊരു മാനം വരുന്നു! കോളേജിൽ വെച്ചൊരിക്കൽ എൻ്റെ ഏറ്റവും പ്രിയപ്പെട്ടൊരുവൾ, വളരെവളരെ അലസമായി പറഞ്ഞ ഒരു വാചകം... അത് കേറിക്കൂടിയത് നെഞ്ചിലാണ്, തലച്ചോറിലാണ്! അതിതായിരുന്നേ - "പൊട്ടിടാതെ നിന്നെക്കണ്ടാൽ ഒരു വിഡോ ലൂക്കാണ് കേട്ടാടീ"! ഞെട്ടൽ അവളറിഞ്ഞോ ആവോ .... ആ കാലം കഴിഞ്ഞു, കോളേജ് ജീവിതം തീർന്നു, ഞങ്ങൾ പിരിഞ്ഞു.. ഉപരിപഠനം, കല്യാണം, പ്രവാസജീവിതം, കുട്ടികൾ ഒക്കെയായി. ഇപ്പോഴും ഞാൻ ആ കുഞ്ഞുകറുത്ത പൊട്ടു തൊടാൻ എടുക്കുമ്പോൾ അവളെയോർക്കും, അവൾ പറഞ്ഞ വാചകം ഓർക്കും!
ഒരു കാര്യോമില്ല. .. അവളെയോ ആ വാചകത്തെയോ ആലോചിക്കേണ്ട ഒരാവശ്യവുമില്ല! എന്നിട്ടും ഓരോ ദിവസവും ഞാൻ അതോർത്തു.... പൊട്ടിടാതെ അപൂർവമായി മാത്രം ഞാൻ സെൽഫികൾ എടുത്തു, അതിലും അപൂർവമായി മാത്രം ഞാൻ പുറംലോകത്തെ എൻ്റെ പൊട്ടിടാമുഖം കാണിച്ചു, വളരെ വളരെ ആലോചിച്ചു മാത്രം പൊട്ടിടാതെ ഏതെങ്കിലും പരിപാടിക്ക് പോയി! ഒന്നാലോചിച്ചു നോക്കിക്കേ, എനിക്കൊരു കാര്യോമില്ല ഇത്രയുമൊക്കെ ആലോചിക്കാൻ..ആശങ്കപ്പെടാൻ.. എനിക്കറിയാം ഒരു പൊട്ടല്ല എൻ്റെ സൗന്ദര്യം നിശ്ചയിക്കുന്നത് എന്ന് - അല്ലെങ്കിൽ പൊട്ടിലോ കണ്മഷിയിലോ വസ്ത്രത്തിലോ ഒന്നുമല്ല ഞാനെന്ന വ്യക്തിയെന്ന്, എന്നെക്കുറിച്ച് അപകർഷതാബോധം ഇല്ലാത്ത വ്യക്തിയാണ് ഞാൻ. എന്നിട്ടും ഞാൻ വീണ്ടും വീണ്ടും ആലോചിച്ചു, സാരിയ്ക്കും ചുരിദാറിനും ജീൻസ് ടോപ്പിനും ഒക്കെ ഒപ്പം ഞാനാ കുഞ്ഞൻ കറുമ്പനെക്കൂടെക്കൂട്ടി! ഏറ്റവും അടുത്തയിടങ്ങളിൽ ഒഴികെ, എന്റെയിടങ്ങളിൽ ഒഴികെ ഞാൻ വട്ടങ്ങളിലൊതുങ്ങി. എന്താണെന്ന് തിരിച്ചറിയാനാകാതെപോയ ആ 'ശങ്ക' .. സത്യത്തിൽ ഞാനാ വാക്കുകളിൽ കുരുങ്ങിക്കിടക്കുകയായിരുന്നു ... എന്നെ അത്രമേൽ ഇഷ്ടപ്പെട്ടിരുന്ന ഒരാൾ, എന്റെ പ്രിയപ്പെട്ടവൾ, എന്റെ ആത്മസഖി എന്തുകൊണ്ടായിരിക്കും വീണ്ടുവിചാരമില്ലാതെ അത്തരമൊരു റിമാർക്കെൻ്റെ പൊട്ടിനു തന്നിട്ടുണ്ടാകുക? എന്തുകൊണ്ടാകും അത്രയും നെഗറ്റീവ് ആയൊരു കമന്റ് അവൾ പറഞ്ഞിട്ടുണ്ടാകുക?
കഴിഞ്ഞ കൊല്ലം - പെണ്ണുങ്ങൾ മാത്രമുളള ഒരു ഗ്രൂപ്പിൽ നിന്ന് കിട്ടിയ ഇവിടെ USA ലുളള ചില ചങ്കുപെണ്ണുങ്ങൾ ചേർന്നൊരു വാട്സാപ്പ് ഗ്രൂപ്പ്. മുന്നോട്ടുപോകുന്ന പെണ്ണുങ്ങളെ പിന്നോട്ട് വലിക്കാത്ത ഒരിടം , അടുത്തിടെ കണ്ടയൊരു പോസ്റ്ററിലെപ്പോലെ - എൻ്റെ തലയിലെ ചരിഞ്ഞിരിക്കുന്ന കിരീടത്തിനെ മറ്റാരോടും പാടി നടക്കാതെ വന്നു നിവർത്തിവെക്കുന്ന പെണ്ണുങ്ങൾ! അങ്ങനൊരു കത്തിയടി ഡിസ്കഷൻസിനിടയ്ക്കാണ് ഫെമി എന്നോട് ചലഞ്ചായി പറഞ്ഞത് "ആർഷൂന് ചലഞ്ച്, പൊട്ടു തൊടാത്ത സിന്ദൂരം തൊടാത്ത ഫോട്ടോ ഇടണം! " ഓഫീസിൽ പോകുമ്പോൾ ദിവസത്തിനും വസ്ത്രത്തിനും അനുസരിച്ച് അങ്ങനെയാണ് മിക്കപ്പോഴും പോകാറുള്ളത് എങ്കിലും ഞാൻ നേരത്തെ പറഞ്ഞതുപോലെ അപൂർവമായേ ഞാൻ എന്റെയാ മുഖത്തിനെ സെൽഫി എടുക്കുകയോ പ്രദർശിപ്പിക്കുകയോ ചെയ്തിരുന്നുള്ളൂ.... ആ പഴയ 'ശങ്ക' . ഇഷ്ടമുള്ള വേറെ ആരെങ്കിലും അമ്മാതിരി ഒരു റിമാർക്ക്, സുന്ദരിയാണെന്ന് ഞാൻ കരുതുമ്പോൾ ചങ്കിൽ കൊള്ളുമ്പോലെ എന്തേലും പറയുമോയെന്ന് വെറും വെറുതേയൊരു ആശങ്ക വീണ്ടും ഞാനങ്ങനെയൊരു വാചകത്തിൽ കുരുങ്ങിപ്പോകുമോയെന്ന് അനാവശ്യമായൊരു ചിന്ത!
വീണ്ടും ഞാനങ്ങനെയൊരു വാചകത്തിൽ കുരുങ്ങിപ്പോകുമോയെന്ന് അനാവശ്യമായൊരു ചിന്ത!എന്തായാലും ഈ പെണ്ണുങ്ങൾ കേമികളല്ലേ.. അവളുമാർ ഇതല്ല ഇതിലപ്പുറം ചാടിക്കടന്ന എൻ്റെ കേ കേ ജോസപ്പുമാർ! പ്രളയത്തിലെന്റെയൊപ്പം രാവുറങ്ങാതിരുന്നവർ, സംസാരിക്കാൻ വയ്യാതെ തളർന്ന ഫോൺകാളുകളുടെ ഒടുവിൽ പാതിരാത്രികളിൽ രണ്ടൂസം കഴിഞ്ഞു കുളിച്ചിട്ടെന്ന് ഉറക്കം മതിയാകാത്ത കണ്ണുകളുടെ ഫോട്ടോ അയച്ചവർ! അവരെക്കാണിക്കാൻ ഞാനെന്തിന് മടിക്കണം
അങ്ങനെയാണ് ഞാനീ ചിത്രം അയച്ചത്. എൻ്റെ പെണ്ണുങ്ങളേ ഞാൻ പറയുവോളം നിങ്ങൾ അറിഞ്ഞില്ലാലോ എൻ്റെ 18 കൊല്ലത്തോളം നീണ്ട ഒരു പിൻവിളിയെ ആണന്ന് നിങ്ങൾ ഉടച്ചുരുക്കിക്കളഞ്ഞത് എന്ന്! ഈ 'വിധവ'കഥ അറിയാതെ അതിലോരോരുത്തരും പറഞ്ഞത് - 'എന്തൊരു രസാ' ന്നാണ് ... സ്നേഹം കൊണ്ടാകാം, ശരിക്കും രസമായിട്ടാകാം - പക്ഷേ, അന്ന് നിങ്ങൾ എന്നോട് പറഞ്ഞതിന് ഞാനെന്ന പെണ്ണ് നിങ്ങളോട് ഒരു പെൺജന്മം കടപ്പെട്ടിരിക്കുന്നു അതിനുശേഷമാണ് ഞാനാ കഥ നിങ്ങളോട് പറഞ്ഞത്. മടിച്ചുമടിച്ചുമാത്രം പൊട്ടൊഴിവാക്കിയിരുന്നത് എന്തുകൊണ്ടാണെന്ന്.
അങ്ങനെയാണ് അയാളെക്കുറിച്ച് ഒന്നുകൂടി ആലോചിച്ചു നോക്കിയത് - ആലോചിക്കുമ്പോൾ വേറെ ഒത്തിരി കാര്യങ്ങൾക്ക് എൻ്റെയാ പ്രിയപ്പെട്ടവൾ എന്നോട് പറഞ്ഞിരിക്കുന്നത് ഇമ്മാതിരി പ്രതികരണങ്ങൾ ആണ് ... കാൻസർ പേഷ്യൻസിനു മുടി മുറിച്ച വീഡിയോ കണ്ടപ്പോൾ ആൾ പറഞ്ഞു "ഇതിലെന്താണിത്ര വലിയ കാര്യം, കാലങ്ങളായി ഞാനും എനിക്കറിയുന്നവരും ചെയുന്നു" എന്നതിനെ നിസാരമാക്കി, അമേരിക്കയിലെ ജീവിത കാര്യങ്ങൾ ഒരു പ്രവാസിയായി പറഞ്ഞപ്പോൾ "ഇത്രോം കഷ്ടപ്പെട്ട് അവിടെ നിൽക്കുന്നത് എന്തിനാ" ന്നു മറ്റൊരു പ്രവാസിയായ അവൾ ചോദിച്ചു, മക്കളുടെ എന്തെങ്കിലും സന്തോഷ കാര്യം പറയുമ്പോൾ തിരികെ "ഇതൊക്കെ എക്സിബിഷനിസം " ആണെന്ന് കളിയാക്കി ആ സന്തോഷത്തിനെ പൊടിച്ചുകളഞ്ഞു, ആദ്യമായി ബുക്ക് പുറത്തിറക്കിയ കഥ പറഞ്ഞപ്പോൾ 'നല്ലതൊക്കെ തന്നെ പക്ഷേ ഇപ്പോൾ ആരേലും കവിതകളൊക്കെ വായിക്കുമോ ' എന്നൊരു ചോദ്യം എൻ്റെ നെഞ്ചിലേക്ക് എറിഞ്ഞുതന്നു... അങ്ങനെയങ്ങനെ ഞാനവളോട് ഒന്നും പറയാതെയായി പറഞ്ഞാൽ അതെന്നെത്തന്നെ തിരിച്ചുകൊത്തും - എത്ര സന്തോഷത്തോടെ അഭിമാനത്തോടെ പങ്കുവെച്ചാലും അവസാനം എനിക്കതിൽ നിരാശയുടെ ഒരു പൊട്ടു സമ്മാനിക്കാൻ അവൾക്ക് കഴിഞ്ഞു! ഒരുപക്ഷേ, ആളറിയാതെ ചെയ്യുന്നതാകാം... !! എങ്കിലും....
പറഞ്ഞാൽ അതെന്നെത്തന്നെ തിരിച്ചുകൊത്തും - എത്ര സന്തോഷത്തോടെ അഭിമാനത്തോടെ പങ്കുവെച്ചാലും അവസാനം എനിക്കതിൽ നിരാശയുടെ ഒരു പൊട്ടു സമ്മാനിക്കാൻ അവൾക്ക് കഴിഞ്ഞു! ഒരുപക്ഷേ, ആളറിയാതെ ചെയ്യുന്നതാകാം... !! എങ്കിലും....
ഇതെന്തിനാ ഇപ്പോൾ ഇവിടെ പറഞ്ഞതെന്നോ - നിങ്ങളോട് പ്രിയപ്പെട്ട ഒരാൾ ഒരു കാര്യം പറയുമ്പോൾ തിരിച്ചു പറയുന്ന മറുപടി എന്നതാണെന്ന് ഒന്നുകൂടി ആലോചിച്ചിട്ട് പറയുക. നിങ്ങൾ പറയുന്ന അഭിപ്രായത്തിനൊപ്പം ഒരു "പക്ഷേ" ഉണ്ടോ?. 'നിനക്കാ ഡ്രസ് ചേരുന്നുണ്ട്, പക്ഷേ...' 'നീ നന്നായി പാടി , പക്ഷേ ...' ''ആ കറി കൊള്ളാരുന്നു കേട്ടോ, പക്ഷേ ..' - ഉണ്ടോ? ഉണ്ടോ? ശരിക്കും ആലോചിച്ചേ ഉണ്ടെങ്കിൽ, ആ അഭിപ്രായം നിങ്ങൾ പറഞ്ഞതുകൊണ്ട് കേൾക്കുന്ന ആളിന് ഒരു ഗുണവുമില്ല! മാത്രവുമല്ല 18 കൊല്ലത്തോളം ഞാൻ കൊണ്ടുനടന്നതുപോലെ അതിനെ മാറാല പോലെ കേട്ടയാൾ കൂടെക്കെട്ടി നടക്കുകയും ചെയ്തേക്കാം!
വീണ്ടും എൻ്റെ പെൺകൂട്ടത്തിലേക്ക് - പെണ്ണുങ്ങളേ നിങ്ങൾ സൂപ്പറാണ് 
ജഡ്ജുമെന്റൽ അല്ലാതെ, മറ്റുള്ളവരുടെ സന്തോഷങ്ങളിൽ സന്തോഷിക്കുന്ന എല്ലാ മനുഷ്യന്മാരും സൂപ്പറാണ്! അങ്ങനെ സന്തോഷിക്കാൻ പെണ്ണുങ്ങളെ സഹായിക്കുന്ന എല്ലാ ആണുങ്ങളും സൂപ്പറാണ്.... ഈ ലോകമേ സൂപ്പറാണ് - നമ്മൾ കണ്ണുതുറന്നു നോക്കിയാൽ! ഇപ്പോൾ എൻ്റെ കുഞ്ഞുപൊട്ടിനെ ഞാൻ സ്‌കൂളിൽ വെച്ച് ചെയ്തിരുന്നതുപോലെ സന്തോഷത്തിലാണ് തൊടുക, തൊടാതിരുന്നാലും എന്നെയത് ബാധിക്കുന്നില്ല - ഞാൻ ആ വലയിലിപ്പോൾ കുരുങ്ങിക്കിടക്കുന്നില്ല
ജഡ്ജുമെന്റൽ അല്ലാതെ, മറ്റുള്ളവരുടെ സന്തോഷങ്ങളിൽ സന്തോഷിക്കുന്ന എല്ലാ മനുഷ്യന്മാരും സൂപ്പറാണ്! അങ്ങനെ സന്തോഷിക്കാൻ പെണ്ണുങ്ങളെ സഹായിക്കുന്ന എല്ലാ ആണുങ്ങളും സൂപ്പറാണ്.... ഈ ലോകമേ സൂപ്പറാണ് - നമ്മൾ കണ്ണുതുറന്നു നോക്കിയാൽ! ഇപ്പോൾ എൻ്റെ കുഞ്ഞുപൊട്ടിനെ ഞാൻ സ്‌കൂളിൽ വെച്ച് ചെയ്തിരുന്നതുപോലെ സന്തോഷത്തിലാണ് തൊടുക, തൊടാതിരുന്നാലും എന്നെയത് ബാധിക്കുന്നില്ല - ഞാൻ ആ വലയിലിപ്പോൾ കുരുങ്ങിക്കിടക്കുന്നില്ല
നമ്മൾ സൂപ്പറാണെന്ന് ഇടയ്ക്കിടെ പറയുന്ന എല്ലാവരോടും സ്നേഹം! ലോകത്തിനെ സൂപ്പർ ആക്കിനിർത്തുന്ന എല്ലാ പെണ്ണുങ്ങളോടും അവരുടെ ആണുങ്ങളോടും സ്നേഹം - ഹാപ്പി സൂപ്പർ വിമൻസ് ഡേ!
എല്ലാ പെണ്ണുങ്ങൾക്കും വേണ്ടി ഇന്നത്തെ പാട്ട് - 
----------------------------------------------------------------------------------------
